5/22/2014

Ватт гэж юу вэ? (Салхины эрчим хүч)

Сэргээгдэх Эрчим Хүчтэй холбоотой энгийн ойлгомжтой инфографик бэлдэж та бүхэнд хүргэж байхаар төлөвлөж байна. Уг цувралын эхний инфографикийг хүлээн авна уу?

5/21/2014

“Сэргээгдэх эрчим хүч” клубын нэрэмжит бакалавр оюутны эрдэм шинжилгээний гуравдугаар бага хурал боллоо

Эрчим хүчний инженерийн сургуулийн “Сэргээгдэх эрчим хүч” клуб нь 2006 онд байгуулагдсан бөгөөд 2012 оноос эхлэн СЭХ мэргэжлээр суралцдаг нийт оюутнуудын мэргэжлийн ур чадварыг дээшлүүлэх, онол практикийн мэдлэг, дадал эзэмшүүлэх, эрдэм шинжилгээний ажилд татан оролцуулах  зорилгоор жил бүр тус клубын нэрэмжит бакалавр оюутны эрдэм шинжилгээний бага хурлыг зохион байгуулдаг уламжлалтай болоод даруй гурван жил болжээ. Энэ жилийн эрдэм шинжилгээний бага хурал 2014 оны 5 дугаар сарын 10-ны өдөр амжилттай болж өндөрлөсөн юм.



Өмнөх жилийн хурлуудаас энэ жилийн хурал арай илүү далайцтай сэдэв, судалгаа бүхий эрдэм шинжилгээний өгүүллэгүүд оролсон нь нэгэн онцлог болж өгсөн юм. 



Эрдэм шинжилгээний хуралд: ШУТИС, МУИС, “Хүрээ” МТДС, “MIU” ДС, СЭЗД сургуулиудын оюутан, багш нар оролцсон. Нийт судалгааны 9 илтгэл, 6 бүтээл эцсийн шатны шалгаруулалтанд оролцсон юм.

Шилдэг гурван илтгэл, шилдэг нэг бүтээлийг шалгаруулж байр эзлүүлснээс:

Илтгэлийн төрөлд:
I байрандЭХИС-ийн СЭХ-3 ангийн оюутан Э.Цэрэндолгор, Ү.Саранцэцэг, Н.Ариунжаргал нарын “Нарны эрчим хүчийг ахуйн хэрэглээнд ашиглах судалгаа” сэдэвт илтгэл,

II байрандХүрээ” МТДС-ийн СЭХ ангийн оюутан О.Амаржаргал, Ц.Отгонтунгалаг, Г.Түмэнцэрэг нарын “ICT-ийг эрчим хүчний удирдлагын системд хэрэглэх” сэдэвт илтгэл,

III байрандЭХИС-ийн СЭХ-4 ангийн оюутан А.Оюун-Эрдэнийн “Гэр хорооллын өрхийн бохирын цэг дээр суурилсан биохийн төхөөрөмжийн загвар, туршилтын дүнгээс” сэдэвт илтгэл тус тус шалгарлаа.

Бүтээлийн төрөлд:
Шилдэг бүтээлээр МУИС-ийн СЭХ-4 ангийн оюутан Г.Содномцэрэнгийн “Сүлжээнд холбогдсон нарны фотоцахилгаан үүсгүүрт зориулсан нэг фазын инвертер” сэдэвт ажил шалгарлаа.



Энэ жилийн шүүгчдийн бүрэлдэхүүнд :
  • ШУТИС-ийн ЭХИС-ийн “ҮЭСЭХ”-ний профессорын багийн багш М.Нүүдэл
  • “Санко Соолар Монголиа” ХХК-ий менежер Г.Үемаа
  • “MIU” дээд сургуулийн СЭХ тэнхимийн багш Carrie Wallested
  • “Хүрээ” МТДС-ийн СЭХ тэнхимийн багш Г.Одонтунгалаг нар байсан юм.
Оюутан залуусдаа ирэх жилийнх нь СЭХ клубын нэрэмжит ЭШХ-д нь амжилт хүсье!



5/01/2014

Сэргээгдэх Эрчим Хүчний Мэргэжил Дээшлүүлэх Сургалт явагдана.

Өнөөдөр та бүхэнд дуулгах сонирхолтой мэдээ.

Сэргээгдэх Эрчим Хүчний мэргэжлээр суралцаж төгссөн, мэргэжлийнхээ ур чадварыг дээшлүүлэх хүсэлтэй мөн цаашлаад зөвлөх инженер болж ажиллах хүсэлтэй СЭХ мэргэжлийн бид бүхэнд ШУТИС-ЭХИС-Сэргээгдэх Эрчим Хүчний тэнхмээс дараах сургалтыг зохион байгуулж байгаа юм байна.

Уг сургалтын хөтөлбөртэй та дараах материалаас линкээс уншиж танилцаж болно.
Мөн 99748011, 99714024 дугаарын утсаар холбогдож дэлгэрэнгүй мэдээллийг авч болох юм байна.




290MВт нарны цахилгаан станц ашиглалтанд орлоо

Aqua Caliente нарны цахилгаан станц  (НЦС) нь 290МВт суурилагдсан хүчин чадалтайгаар АНУн Аризона мужид үйл ажиллагаагаа явуулж эхлэх гэж байна.

Thin Film нарны зай болон CdTe нарны зайг уг НЦС-д суурилуулсан бөгөөд Pacific Gas & Electric компанид ирэх 25 жилийн турш үйлдвэрлэсэн цахилгаан эрчим хүчээ борлуулахаар эрчим хүч худалдах, худалдан авах гэрээтэй юм байна. Уг цахилгаан станцын барилгын ажилд 970га газрыг хамарч, 400 гаруй орон нутгийн иргэдэд түр ажлын байрыг бий болгосон статистик байна. Aqua Caliente НЦС ашиглалтанд орсноор далхийн хамгийн том бүрэн автомат НЦС-д тооцогдох юм. Гэхдээ уг НЦС-н “хамгийн том” хэмээх статус удахгүй Topaz Solar Farm хэмээх 550MВт хүчин чадалтай НЦС ашиглалтанд орсноор солигдох болов уу хэмээн таамаглаж байна.

Органик нарны элементийн тухай үнэгүй сургалт

Та бүхэндээ дуулгах сонирхолтой мэдээ байна. Урьдны минь бичиглэлээс нийтээр сурах онлайн сургалтуудын тухай бага ч болов ойлголттой болсон болов уу?

Та бүхэнд танилцуулах дараагийн онлайн хөтөлбөр бол органик нарны элементийн тухай 6 долоо хоногийн Данийн Их Сургуулиас 2014/06/02-с эхлэх сургалтын тухай юм. Уг сургалт нь эрчим хүчний өөр төрлийн эх үүсвэрүүд тэдгээрийн дотор органик/полимер нарны элементээс хэрхэн эрчим хүч гаргаж авах тухай онолын мэдээлэл, туршилт судалгаа зэргийг хамарсан байх юм.  Та бүхэн дараах линкээр орж танилцаж болно.

Англиар ойлгохгүй болон богино хэмжээний мэдээлэл авах хүсэлтэй байгаа уншигчиддаа дараах мэдээллийг дамжуулъя.

Эхний долоо хоног: Нарны эрчим хүчний тухай ерөнхий мэдээлэл
2 дахь долоо хоног: Органик нарны элементийн онцлог, ажиллах зарчмын тухай
3 дахь долоо хоног: Органик нарны элементийн материал, тэдгээрийн шинж чанар
4 дэх долоо хоног: Органик/полимер нарны элементийн насжилт, шинж чанарын тогтвортой байдал
5 дахь долоо хоног: Органик нарны элементийн үйлдвэрлэл
6 дахь долоо хоног: Органик нарны элементийн ирээдүй мөн сүүлийн шалгалт

Уг сургалтанд орохын тулд танд ямар шаардлага тавигдах вэ?

1. Физик болон химийн суурь мэдлэгтэй байх
2. Англи хэлний мэдлэгтэй

Гэхдээ уг сургалтанд таниас ямар нэгэн төлбөр шаардахгүй мөн та өөрийн хүссэн цагтаа хичээлээ хийж болох юм. Ойролцоогоор долоо хоногт 4-6цагийг хичээлдээ зарцуулахаар төлөвлөвөл илүү бүтээмжтэй байх боломжтой.

Хичээлийнхээ удиртгал бичлэгтэй танилцана уу?
Холбоотой асуултаа @uemaa жиргээнээс эсвэл сэтгэгдэл бичиж асууна уу? Баярлалаа
Танд амжилт хүсье!